Klasse 7B1 der Internationalen Gesamtschule Heidelberg: TRUMPel

Dr. Rudolf-Stähle-Preis

Mia in da Kua-Palz sinn ehrlischä Leit, unn dess iss wischdisch, bsunners heit
Weil zu vielä nur uffs Smadphone guckä, unn wenns um was geht sich Newa duckä
Anstatt mehr uff Fakta zu herä, dess duud uns doch gewaldisch sterä!
Unn wenn Du aa unsa Sprooch näd vastehsch, so hoffä mia doch, dass Du ball widda gehsch!

Refr.: Du TRUMPel du, jetzt hoisch ämol zu
Doi Uffträdä lesst uns näd in Ruh
Omm schlimschdä iss weil Du kummsch aus da Palz
Unn Disch ufführsch wie ä schlimmi Dompfwalz!

Drumm hawwe mia in da Schul uns gedankt, mia wollä wissä, wie dess zommähängt
In da hoä Politik iwwam großä Teich, z.B. warum Du bisch fuachtba reich
Unn wie ma heart hosch Du gonz schä gschummelt, dabei doin gudä Charakter vabummelt
Falls do mol äna do war vorausgesetzt, doch jetzt bisch Du vor allem iwwa Twitter vanetzt!
Erfolg zu hawwä akzeptiert ma ohnä Neid, mia in da Kua-Palz sinn tolerante Leit
Wonn awwa ona sich gebärdet wie Du, donn lesst dess uns uff kään Fall in Ruh
Donn missä mia ofach uffbegehrä, unn wennigschdäns leisen Proteschd beschehrä
weil mia in da Kua-Palz ääfach näd so sinn, drumm bittä mia: „Schmeiß dä Bettl hinn!!"