Mia Kern: D’Fasenacht in Au
„Ä glückseelige Fasenacht“ winscht mer sich in Au un des isch en gonz ernschd gemeinder Wunsch!
Alle rächte Fasenachter fraied sichs gonze Johr druff und fonge schu im
Schbätjohr mitm Warrebau und Näre von de Koschdüme o.
Fasenacht isch ä gonz bsonneres Gfiehl und Läwe iwwer die 6 Däh.
Kurz vorm Schmutzige Durschdig gibt’s fascht kai ongeres Thema meh in Au:
Was mached ihr?
Welle Grupp sin ihr?
Welle Nummer häner bim Umzug?
Un so widder.
I bin än rächter Fasenachtsbutz, des hat mer mei Mudder scho mit
Ab’m Herbschd dreffe sich die Fraue von de Grubb „Dick un Durschdig“ zum Näre im Keller vun de Margot. Des isch die gud Fee von unserer Grubb. Uhne die hedde mer viel meh Ärwet bim Näre.
Do wird nod viel gelacht, dischbudiert, Sekt getrunge un dumms Zeigs gebabbelt..
I häb schu mid zwai Johr als kleines Kaid ogfonge.
S’erschde mol bin i als rode Ledder Honddäsch debie gewäh un im Ziehwärele gsässe. Middel uf’m Umzug bin i hingerschig usem Wärerle gfloge un mein Mudda hat’s ned gemerkt. Do woars Gschrei uf de Schdroß awwer groß: die gonze Wiewer häns gsähne un hän si halwer schlappgelacht. Un i bin uf’m Buggel gelärre un häb nid älai ufschdehe kinne.
Wo’s mei Mudda endlich midgriegd hat, dass des Wärerle leer war, hat se mi
aifach om Honddasche Hängl hochghobe un widder in’s Wärele gsetzt und isch
widder geloffe.
I häb awwer zum Gligg kai Schade vom Runnerfliege khadde, un sidderie lauf i mid meiner Mudda ihrer Grubb „Dick und Durschdig“ mid.
Sunnigs isch nod de große Umzug und des Highlight von de Fasenacht. Inhuffe Litt mache do mit.
Di Wärre fahrn mid ludder Musik durch d ́Schdroße vun Au un en Huffe Fußgrubbe laufed a mid. Am Drodwa schdehn die, wo zu gugge und Gutsle fonge und Helau rufe.
In dene zehn Johr hämma scho en Huffe Koschdüme gemachd: I war schu
- Ä Kardebatsch
- Ä Auer Fischerin
- Uffm Biggser Jahrmarkt
- Ä Muffin
- Ä Schlong
- Ä Windrad
- Än Bienekorb
- Ä Ridder Schbord Daafel
- Ä rode Honddäsch
Un diesjohr ware mer S’Auer Dunnerwedder un hän gonz schäh geblitzt.
Mänigs un Dieschdigs geh ma in Au Schlämbeln. Do ziehe mer alde Vorhäng
und Lumbe o un demit geh ma zu de Lid haim, die wo ä Schdation hän un die
Dier uffmache. Des isch ä gonz alde Tradition.
Do gibt’s dann Dringe un Esse, oft Hausmacher Lewwerwurscht, Schbunde Käs oder Wurschdsalat un en Huffe Schnaps oder Schorle fir die Alde. Swern viel dumme Lieder gsunge und viel gelacht. Un i bin immer debi.
Arg schäh isch die Fasenacht in Au un des isch bis heid noch a glickseelige Zidd für mich un mai Mudder un die gonz Fasenachtsgrubb Dick un Durschdig.