Lotta Mutschler: Samschdich im Schwobaländle

Am friha Morga
D’Kender schloafed aus
D’Katz hold a frische Maus ins Haus
Muader und Vadder sind scho wach
Und mached scho wieder kerich Krach
Dann stehed Kender uf
Und se send no ned wohluf
Kommed in d’Küche und wolled esse
Dabei sehn se d’Katz d’Maus fresse
Dann ischs Frühstüg bereid
Alle sen vereind
Des geht jeden Dag so Da
drüber sen mer eigendlich ganz froh

Am Middag
Muader duad Gmias hagge
Und nebeher no an Breschdlengskuacha bagga
Heit gibds Grombiere mid Salad
Des issd besdimmd jeder Pirad
Nachm Esse geht’s naus
Elle raus ausm Haus!
Dr Äldeschde muss Gras mäha
Dr Jüngschde füddert d ́Krähe
S‘Mädle muss dr Kandel fäga
Dr Vadder dud fleißig Holz säga

Am Obed
Zom Veschber am Obed gibt’s guader Speck
Dean haued älle oms Nomgugga weg
Mr drengad dazua an frischer Moschd
Des isch doch a richdig schwäbische Koschd
Kender gehen dann älle bada
Des dud dehne gar ned schada
Nachm Bada gehn älle schloafe ohne Sorga
Bis zom Sonndich Morga

Schwoabe send bsondre Leit
Scho emmer und au heid.