Heiko Maier: Immer nur schwetzä!
1. Umweltfreundlich vun A nach B, des isch unser Ziel. Doch leider brauchsch zum Bewegä Sprit, un vun dem a ziemlich viel. So ä Flugzeig bloßt Kerosin än d’Luft, vun Fronkfurt bis Madrid. Vor nur 49 € fliegsch, du do noh zu dritt!
„awwä Babba, warum isch donn ä Bohfahrkard so deier?“
Iwwägong:
Des frog ich mich schun long, warum mä des net ännärä konn!
Refrain:
Immer nur schwetzä, awwä machä dut’s kohnä,
es longt nimmond noh, net ämol ohnä.
Iwwäral s’gleich, un jeder guggt zu,
mir missä jetzt endlich droh!
2. Nach Stuttgart noi, därfsch nimmi fahrä,
in Hamburg nur noch durch monchi Stroß.
ä Newwlglock liegt uff dä Stadt,
dä Grenzwert isch zu groß.
„isch donn dä Grenzwert nur do zu groß, oddä a wu onnärscht?“
Mir spritzä des Gift uff unser Felder, dass die Bioäpfel wachsä.
Un des net nur bei uns, a äm Saarlond un än Sachsä.
„isch donn des Bio, iwwähaupt noch Bio?“
Do äm See drin wu mir badä gehnä, nur noch Getränkedosä.
Blaschdich iwwäral äm Lond, äm Wald un uff dä Stroßä!
„warum schmeißt mä des net oifach än dä Abfall, wie dähom a?
Iwwägong:
Des frog ich mich schun long, warum des nimmond ännärä konn!
Refrain:
Immer nur schwetzä, awwä machä dut’s kohnä,
es longt nimmond noh, net ämol ohnä.
Iwwäral s’gleich, un jeder guggt zu,
mir missä jetzt endlich droh!
„oikaafä ohne Abfall isch net oifach, awwä wonn mä sich ä bissl ohstrengt, donn klappts. Mir, die Klohnä, mir prowieräs bei uns dähom, donn missä des die Gschäftlin und die Politiker doch a prowierä, oddä kriegä die des net noh? Ich versteh gar net, warum mä do nix onnäres nemmä konn, anstatt Blaschidch?“
Schluss:
S’wärd viel driwwä gwschetzt, „sag mol senn donn mir zu lohm?“. Ohfongä dut’s doch schun bei jedem dähom.
Die Blaschdichgugg die kährt bei uns, bei uns net äns Haus.
Nur babblä reicht net aus!
Jetzt wärd nimmi gschwetzt, jetzt geht’s äns Machä,
dass die Kinnä a in 30 Johr, immernoch lachä.
Mir gehnä vor, un mir spuckä än d’Händ.
Des geht uns alle oh!
„des geht uns alle oh, Kinnä un Erwachsene!“