Irmtraud Bernert: Oifach nur aus’m Fenschter gucke
Mei Oma, die hat’s noch gut g’habt. Die hat im Alter nimmee eitel sei müsse.
Bei dere hen alle Kloider so gedeckte Farbe g’habt - un irgendwie hat des immer alles zusammegebasst.
Un irgendwie sin die Kloider jedes Johr mit’gwachse, wenn se um die Hüfte rum Widder e bissele runder worde isch - vom Kaffeetrinke - oder genauer g’sagt vom Kranzkuche, den’s dazu gewwe hat.
Un Kaffee hen se viel getrunke - vielleicht ohne Koffein, awwer dafür mit viele Freundinne un Schwägerinne am Tisch. Un dann isch g’schwätzt worde - hauptsächlich über Krankhoite (des hat ma damals noch gederft)! Do hat's e klare Hierarchie der Gruslichkeiten gewwe - un wenn die Oma als Tagessiegerin draus hervorgegange isch, dann hat se beim Hoimkomme so en zufriedene Zug um d’Mundwinkel g’habt.
Un dann unser Nochbere, die Bas Lina! Die hat g’wartet, bis die Sunn ums Hauseck komme isch, dann hat se s’Wohnzimmerfenschter uffg’macht - des vornenaus uff d’Schtroß, hat s’dickschte Sofakisse (mit so eme röhrende Hirsch druf) ins Fenschter g’legt, sich mit boide Ellböge druffg’lehnt, und dann hat se oifach - nur- aus’m - Fenschter - geguckt!
Die Gass nuff un die Gass nunner - un hat dabei alles g’sehe und noch mee g’hört - en Fernseh hat die net braucht! Die hat schon g’wusst dass i neu verliebt bin, noch bevor mir überhaupt s’Herz geboppert hat.
Awwer - mir hat des imponiert!!! Des will ich au emol, wen i alt bin: nimmee hetze, nimmee springe - oifach nur aus’m Fenschter gucke - do freu ich mich jetzt schon druff!
Awwer wie des so geht - s’gibt koin Verlass im Lebe! Seit zwoi Johr bin i jetzt in meim sogenannte Ruhestand - aber s’isch halt doch e bissele annerscht wie früher!
Als politisch oder zumindescht g’sellschaftlich korrekter Rentner bisch fit wie en Turnschuh, hasch koi Maleschde oder gar s’Reiße - un wenn doch, dann schleich’sch dich hoimlich, wennn’s koiner sieht in d’Apothek un hol’sch dir so e geels oder blaus Tüble- am beschte des vom Prof, weil der sicher mee kann wie der Doc - un des sch’tecksch tief in die Handtasch nei - dass es die Annegret net sieht. Weil bei solche Gelegeheite lauft die oim immer über de Weg, des nasweis Luder!
Un dann die Sach mit’m Esse! Am Samstag beim Griech hat sich d’Annegret en Salat b’schtellt - net en Souflaki wie sonscht. „Mir habbe jetzt uff Vegetarisch um’gschtellt - un zwischedurch mache mer vegane Entlaschtungstage!“ sagt die Annegret un mit’eme Blick uff meine Pommes.“ Du solltescht aber scho e bissele uff die Transfette uffbasse! Was’d jetzt uff d’Hüfte kriegsch, des bappt wie Zement! Des wersch nimmee los! Aber bestimmt treibsch Du au regelmäßig Sport, oder? Obwohl - beim Nordic-Walking oder im Fitnessstudio hab ich dich noch nie g’sehe! Fähr’sch wenigstens e bissele Rad? Du- de Anton hat mir e Foto von seiner Reis an de Mount Everest g’mailt, der isch doch tatsächlich dort mit’m Fahrrad unnerwegs!“
Ich muss kurz schlucke un denk im Stille, dass mir der Rheindeich Berg g’nug isch. Wenn ich den nuffg’schtrampelt bin, langt’s mir mit Herzklopfe un so. I will mer doch net mit G’walt de Herzkaschper hole! Jetzt bin ich bisher ohne sportliche Höchstleischtunge durch’s Lebe komme un soll jetzt mit 63 mit dem G’schprattel anfange? Eigentlich langt mir dienstags mei Gymnaschtikgrupp!
Un dann die Sach mit dem Uffsteh! Die Uschi hat verzehlt, bei ihne tät der Wecker um siebene klingle- dass ma halt g’nug Zeit hätt fürs täglich Fittnessprogramm.
Mein Mann un i, mir sin do e bissle ruhigere Zeitgenosse. Seit mein Roland im letzte Sommer au in Pension gange isch, herrscht bei uns Sonntagsfriede - un des die ganz Woch! Der Dreckswecker hat aus’gscheppert! 40 Johr lang uff d’Minut um Sechse- des brauch’sch nimmer. Awwer: ma traut sich’s net zum sage. S’wär halt politisch net korrekt, g’mütlich e bissel länger uff de faule Haut liege zu bleibe!
Überhaupt hat bei unsere Bekannte so en Aktionismus um sich gegriffe - do kommt ma nimmee mit!
De Siggi geht jetzt Widder in die Uni un zieht sich Vorlesunge nei - Kunschtg’schichte un so was alles. Ausgrechnet der Siggi !! Der hat doch früher doppelt so lang für jeden Schei gebraucht, weil em die Vorlesunge alle viiiel zu früh begönne hawwe.
Die Marga schwärmt in einem fort von ihrer Seniorenakademie und nervt jeden, der’s höre will oder au net mit de Wiedergab von dene Vorträg in g’fühlter Echtzeit - un dann wunnert se sich immer, warum se am Schluss de Stammtisch für sich alloi hat.
Die Irmi hockt in Süditalien - zum Italienisch lerne, versteht sich - net zum Vergnüge!
Un der Harald, der Chaot, der in seim ganze Lebe noch koine oigene Meinung g’habt hat - der leitet en Philosophie- Stammtisch, un pluschtert sich uff, als ob er die Lebensweisheite mit Silberlöffel g’fresse hätt.
„Ja und du ?" hat die hinnerforzig Annegret mich g’frogt, „mach’sch du gar nix? Des isch aber net gut - von wege Demenz un so !!! Du könnt’scht dich ja für e Ehrenamt engagiere, do werre immer Leut g’sucht. Ich tät mich ja selber dafür eigne - aber weisch, i heb halt so viele oigene Interresse - do bleibt mir beim beschte Wille koi Zeit mee üwwerig!“
I muss e bissle an die G’schicht vom Loriot denke - selle in der de Mann oifach nur hat dositze wolle- aber sei Fraa hat en immer wieder g’stört mit tausend Vorschläg, was er alles mache könnt, damit’s em net langweilig werd. Manchmol fühl ich mich in meim Lebe grad so wie in dere Loriot-G'schicht! S’ isch koi richtig scheens G’fühl.
Geschtern hawwe d’Annegret mol Widder getroffe. Sie isch schon von weitem uff mich zug’stürzt. - s’ hat mir nix Gutes g’schwant! Wenn se den Stechschritt druff hat, isch’s besser, mer g’winnt Land.
Sie sei grad aus’m Reisebüro gekomme, hat se g’meint, un sie sei fix un fertig! Sie hätt sich halt so schwer entscheide könne zwische „Zauber des Orients im Oman“ oder „Kulturwandern auf denne Kapverde“ un dann gäb’s da ja auch noch die ganze Kreuzfahrte! De Franz un d’Moni die täten ja inzwische ganz uff Kreuzfahrte schwöre - des sei oifach die bescht Art zu verroise- do ging nix drüwwer.
Wo mir denn hinreise täte, hat se g'fragt - mit so em scheinheilige Interesse. S’gäb ja so viel zu sehe uff dere Welt - un man müsst sich jetzt seine Träum erfülle! „Wann wenn net jetzt, heißt die Devise!“ hat se im Bruschtton der Üwwerzeugung lostrompetet.
I heb me net getraut zu sage, dass mir nur zwoi Woche Bad Griesbach im Bayrische gebucht hawwe - des kannsch net bringe. I heb g’sagt, mir hätte noch nix entschiede.
S’isch jo net so, dass ma im oigene Ländle gar nimmer verroise derf - awwer mer muss dann scho was b’sonneres mache - grad so Urlaube, des isch vorbei.
So wie zum Beischbiel d’Marisa un de Kurt - die hen so e komisch’sTicket un mit dem fahre se kreuz un quer durch d’Region un rechne hinnerher immer ganz g’nau aus, wie viel se mit dem Kärtle g’schpart hen.
Oder de Wolfram un d’Uta , die hen en Museumspass - un so e Ding des muss sich lohne. Die zwoi klappere grad so oi Museum nach em annere ab - i glaub sie könnte inzwische scho G’schichtsbücher schreiwe.
Also, mol ganz ehrlich- wenn mir oiner g’sagt hätt, wie anschtrengend des Älterwerre isch, i glaub i wär doch lieber noch e bissle länger jung gebliebe.
S’könnt oim ja gleich sei, was die Annere von oim denke - ma muss ja net von allene g’liebt werre - awwer wenigschents ab un zu mol gelikt werre, des braucht ma scho - ma lebt jo net uffere Insel.
I heb versucht, mich e Schtückle anzupasse- ohne mich ganz zu verbiege - un i muss sage, s’klappt mit de Zeit immer besser!
Also morgens schtehe mir jetzt au um Siebene uff- awwer nur kurz: i mach lautschtark die Rolläde nuff un de Roland holt unser BNN rei -und dann mache mir noch emol e gepflegts Nickerle.
Wenn mer mit de annere esse gehe, b’schtelle mer die Salatplatt und de oidärmlich G’müsteller - Schnitzel un Schweinsbrate gebt’s nur noch dahoim.
I heb beim Aldi für jeden von uns en Packe Outdoor- Sportklamotte gekaaft in lauter Neonfarbe, damit ma se jo gut sieht, un ab un zu mache mir e Selfi von unsere „Radtoure“ im Garte un verschicke des als Whats Up - mer geht jo schließlich mit de Zeit.
Un wenns Telefon klingelt, renn i schnell die zehn Stufe zum Halbstock nuff un Widder runner un nemm dann ganz außer Atem de Hörer ab: „Oh hallo Annegret, i muss erscht emol verschnaufe, weischt i komm grad vom Jogge....“
Mittags schtellt de Roland schnell die Räder vor d’Garasch - so als wäre mir grad von de Tour hoimkomme un uff de Terrass flattern un leuchte die Schportklamotte uff’m Wäscheschtänder.
Des mit dem oifach aus em Fenschter gucke - des hawwe mir inzwische ab’gschminkt, des werd nix mee. Awwer uff de Gass stenn heitzutag jo doch bloß Benzinkutsche rum - do verbasch nix.
Mir hen en gute Ersatz dafür g’funne: do wird s’ Flimmerkischtle eing’schaltet un dazu gibt’s Kaffee un e schee Stückle Küche - awwer nur, wenn die Annegret net au zufällig im Backlade war!
So wie heut!! Grad mach i s’Maul uff zum B’schtelle, do schteht die plötzlich newe mir. Sie hat vun ihrer Premiumwanderung uff de Kapverde verzählt - awwer multitaskingfähig, wie die isch, kriegt die trotzdem noch jeden Krümel mit, den’d einkaufsch.
Ich heb me net getraut, zwoi Schneckenudle zu verlange - i heb statt desse e Sojabrot g’nomme. Für en anerkennende Blick aus de Annegret ihre Glotzbeppel isch mir nix zu viel!
Un emol ehrlich - en Entlaschtungstag ab un zu hat noch niemand g’schadet. Oder?