Norbert Zoller: Monchmol om Rhi

Monchmol steh i düss om Rhi
un lu uff d’öuner Sitt.
Un denk donn dro, ich vergiss’es nie,
wie’s war in sell’re Zitt.
Mit Zellner, Schlagbaum un Kontrolle
im Kofferraum mit scharfem Blick;
mit Üswiss, Ware zum verzolle.
Die Zitt winsch ich m’r nim zurick.

Monchmol steh i düss om Rhi
un lu uff d’öuner Sitt.
Un denk, mien Opa wär d’rbi,
wie schie wär des fier den dert hit.
Der hat m‘r viel verzehlt vum Krie,
vun Feindschaft, Hunger, vun der Not;
vum Schitzegraawe in d’r Brie
un jeden Daa die Ongschd vor’m Tod.

Refrain
Wie schie, mir läwe hit in Fridde,
mir mien kä Ongschd vorm Nochber ho.
Mir brüche nim die Kriegsglock litte,
kän Weschdwall böue, kä Maginot.
Mir kinne zu der Nochber fahre,
schnell iwwer d’Brick, mol mit der Fähr.
Mir kinne öuns die Waffe spare.
Schie wär’s, wenn’s iwwerall so wär.

Monchmol sitz i düss om Rhi
un heer em Wasser zu.
Immer falle m’r Bilder i,
die losse m‘r kä Ruh.
Die Bilder sieh’sch dü alle Daa,
uff jed’re Titelsitt.
S‘Fernseh zeigt’se ruff un na,
d’r Krie isch monchmol gar nit witt.

Monchmol sitz i düss om Rhi
un mach m’r so en Plon.
Donn wott i gern en Magier si,
wu d’Welt verzaubre konn.
In ä Welt, wu jeder z’esse hat,
wu d’Grenze g’falle sien.
Wu in jedem Dorf, in jed’re Stadt
Fier d’Kinder d’Sunn hell schient.