Manfred Eugen Zöller: 's gibt Rejewetter
Wenns Auer Loch zu isch, dann gibt’s Rejewetter,
hat mei Großmutter als gsaagt.
Un wenns net zu isch, häb ich si ämol froogt,
dann, hat sie gsaagt, sieht ma bis zu de Vogese.
Un was sin Vogese, häb ich sie froogt,
Vogese, hat sie gsaagt,
des sin die Berg, driwe im Elsass iwerm Rhei,
wem ma die gut sieht gibt’s Rejewetter.
Un was isch de Rhei, häb ich si froogt,
de Rhei, hat sie gsaagt,
des isch der große Fluss hinner Au un Weier,
do druff wu Dompfer fahre.
Un was sin Dompfer, häb ich sie froogt,
Dompfer, hat sie gsaagt,
des sind die Schiff wu ma als he