Brigitte Wagner: Im Zug
Vom Zug aus g'sähe verschwinded die Insel, uff der ich noch dreissich Minude vorher windigen Urlaub gmachd hab, hinnerm diesiche Meer midsamd ihrem hökschde Berg, der koi Berg isch, obwohl mer au nuff schdeige muss und schnaufe dabei, bis mer obe isch. Koi Berg, ä Sanddün, ganze zweiefünfzich Meder hoch, die Uwe-Düne nachm Uwe Jens Lornsen, dem beriehmde Vorkämpfer für ä freies Schleswig-Holschdein. Weid weg von uns do unne im rewoluzjonäre Bade, au wenn ich jetz grad noch obe bin im Norde. Wieso eigendlich obe? Ä anneres Bundesland – so flach. Do wird’s oim noochdräglich richdich dirmlich, wenn mer an die hohe Dün denkd.
Jetz isch se weg die Insel, Land machd sich breid zu beidene Seide vom Zug un ich radder froh un erhold meim badische Land endgege, Sand an d'r Sohle un ä weiße Herzmuschel in d'r rechde Anorakdasch. Hamburg isch schneller do wie mer 'Schiet' sage kann, ä Schdadt zum sich drin verlaafe, wenn mer nei ginge däd. Aber ich bleib vorsichdshalber uffm Bahnhof schdehe un hoff dass mei Weiderfahr-Zug net schdreikd, wie ä Zugnachbarin ängschdlich vermuded. Kann än Zug schdreike? Gud gege Schdreikangschd isch Esse un do laure se au scho im Kiosk, die belegde Weck, obwohls jo do obe Brötchen sin, wie wenn oiner von Brötchen sadd werre däd. Brötchen klingd wie wenn kaum ebbs d'ruff wär. Aber was kann mer schon von so re große Schtadt anneres erwarde, au wenn mer sich nur im Bahnhof hie un her bewegd. Ä Läbe isch des wie im Ameisehaufe, ou, jetz wird tadsächlich mei Zug uffgrufe, Indersiddiexbress nach Zürich-Schweiz. Der laude Schbrecher schbrechd des Word nie ganz aus, immer wird nur Ih-Zeh-Eh g'sagd, aber egal, Haubdsach ich komm weg von do. Hoimweh nagd schlimmer alswie Hunger. Nebe mir verdraude Kläng, drei fideele Kallsruher! Ä guds G'fiehl so weid obe in d'r Fremde mei Schbrooch zu heere. Naja faschd mei Schbrooch, Kallsruher hänn jo ä bissl än annerer Släng, droi woiche oier in oinere Roih, trotzdem än gewisser Troschd. Hoffendlich sitze die in meinere Näh. Immer nur Hochdeutsch machd oim uff Dauer scho ferdich.
Mir fahre raus ausm Hamburger Haubdbahnhof, vorbei an bunde Höhlemolereie vom Graf Fiddi. Manche Leit finde jo, dass des nur Schmierereie sin an dene Bahnhofsgebäude un Hauswänd, aber ich find, dass des ebbs had, net immer, aber die Scheenheid von me hässliche runnergekommene Gebäude erschließd sich mir selde. Do isch doch ä fandasievolles Gemälde wenigschdens ebbs fürs Aug. Ä kloins blaues Toi Toi- Häusel uffm ausgediende Abschdellgleis verabschieded sich würdig un dann kommd au scho die männliche Oi-Mann-Butzkolonn ins Abdail marschierd, än riesiger blauer Müllsack hinner sich herschlebbend, wie ä Kind sei Schlumbelbubb. 'Hat hier noch jemand Müll?' Un ob! Warum soll des im Zug drin annerschd sei wie in d'r Freiheid? Überhaubd hab ich immer meh des Gfühl, dass des Läbe im Zug nach Zürich – mid Hald in Baden – wie än Mikrokrosmos scheind, wie ä Minjaturausgab von d'r Weld außerhalb. D'r Müllmann freud sich, weil sei Arbeid ned ausgehd un bedankd sich dodrfier, dass mir unsere leere Schbrudelflasche net in d'r Gegend rumschmeiße, sondern se ihm o verdraue, sowie die Gudselbabierle un alles was mer hald sonschd nimm brauchd im Läbe.
Händies bimmle dauernd, mer hörd Möweg'schrei un Beethovens Neunde als Klinglton. Leut verzehle wildfremde annere Leut ihre briwadeschde Sache. Koiner hörd zu, alle schbitze d'Ohre. Je nach Inhald freud mer sich, dasses oim net so schlechd gehd wie dem, wo jetz grad die vierde Knieoberazjon hinner sich had. Manchmol wärs besser mer hädd gar koi Knie. Mir fahre durch ä Tunnel, ä Fra rufd laud ins Handy 'Hallo hallo, ich kann dich nicht hören, hallo hallo! Hallo?' Der Tunnel isch lang un die Fra schüddeld ihr Handy wie wenns än Lumbe wär. 'Hallo?' Dann wird’s hell. Die Fra sagd nix meh. Ihr Handy au net.
In Hannover falle sich zwei frisch eig'schdiegene Leud um d'r Hals, seid Ixjohr nimm gsähe. Sie schdrahle 'Du bist noch wie früher!' Des isch doch ä Opzjon wo sich koiner von Beidene groß oschdrenge muss.
Unberührd von zwischemenschliche Begegnunge fahrd d'r Ih-Zeh-Eh schdur gradaus, durch Deutschland und deutsche Länder, Niedersaxe hinner sich lassend. In Kassel schdeige Kinner zu midsamd ihrene Eldern, erbarme die Hesse komme, jetz wird’s luschdig! Des ganz Kloine gwengeld zuerschd, bisses sein Dulli kriegd, dann schloofds urbletzlich ei, wie wenns ä Schbontan-Narkos gekriegd hädd. Des äldere Kind isch elderlich geprüfder Zug-Unnerhalder, än niedlicher Kerl mid blonde Löckle, dem mer net bees sei kann, egal wasser au oschdelld. Im Wage 8. D'r junge Vader had für den Fall der Fälle ä Froge-Andword-Schbiel im Rucksack dabei, dass au während d'r Ferijä des Kind uff demselbe geischdige Läwl bleibd wie vor d'r Ferijä. 'Was ist das, es ist rot, rund, man kann es in den Salat schneiden und es wächst im Gewächshaus?' 'TOMATE'! Ä 130 Dezibeel-Kinnerschdimm rasd durchs Abdail 8, än Bresslufdhammer had 120. Des könnd Hochbegabung sei, jedenfalls guggd d'r schdolze Vader so. Des Froge-Andword-Schbiel gehd bis Frankfurd. Zwischezeidlich sin einige Fahrgäschd ins Bordbischtro gflüchded, annere hämmern wie wild uff ihrene Täbleds rum, d'r Kopfhörer net im Kopf, aber am Ohr. Än älderer Wolfskin muss durch die Andworde inschbirierd sei, er kramd in seim Rucksack, leider koi TOMAT, aber ä Meddbrötchen, ä Holzbredd un ä Schweizer Messer, wahrscheinlich isch des der wo weider fahrd nach Zürich. Die Familjä schdeigd aus, des Kloinschde gwengeld widder, d'r lockiche Bruder winkd d'r Fahrgäschd zu, wie wenner sage wolld 'Bis bal'. D'Mudder guggd endschuldigend 'Sind halt Kinder'. Genau, warum eigendlich net. Weg sin se. Mid vier Minude Verschbädung gehd die Fahrd in d'r Süde weider. Landschafde wie im Wexelrahme, Wiese, Rabsfelder, Hügel, Wälder, überhaubd unglaublich viel Grün, erholsam für d'Auge, unser Land, immer widder mol wie mid d'r Schär neigschnidde än Fluss, mid Boodle druff. Flüss, die sich in d'r Fern verliere, Schdädt durchschlängle. Ä Bilderbuch kommd mir in mei Verinnerung 'Im Land der Riesen', wo zwei Riese die Menschewelt von obe runner ogugge, wo Äcker un Felder genauso aussähe wie mid'm Linjal gezoge. Bund, mid dazwische grüne,braune, gelbe Rechdecke.
In Frankfurd kommd ä neue Familjä dazu, des gehd im fliegende Wexel, Blatz 43, 45, 46. Ich hab 44. Jetz bin i eigezwängeld mid'm Gepäck un dem heiße Kaffeebecher. Ich denk 'die könnde aus Indjän sei'. Große dunkle Auge. Aber koi Turban un koi schwarzer Punkd uff d'r Schdirn. So ebbs weiß mer hald. Sie grüße un mache sich so schmal wie möglich. D'Mudder verdeild an jeden ä Blaschdik-Dos un scho beim Uffmache wehd än herrlicher Cörri-Dufd in mei Richdung. Ich schiel nach links, dünne gelbe Nudle, Tandoori-Hähnchen-Würfl, Garam Masala-Geruch. Ich frog ob ich froge darf wo se herkomme 'Sri Lanka' , früher Ceylon, so weid weg, sie wohne in d'r Schweiz un d'r Sohn, vielleicht 10 Johr ald schwätzd Schwyzer Dütsch mid me harde Akzend. Sei Mudder finded des dodal luschdig, sie lachd dauernd wenn er schwätzd, wie wenn se net glaube könnd dass ihr Sohn des isch.
D'r Nudeleitopfgruch beherrschd des ganze Abdail 8 und vor allem animierder die G'schmacksknoschbe von d'r annere Midreisende. Viele wühle in ihrene Dasche, suche nach ebbs Essbarem, des ähnlich schmecke könnd. Ich hab mei Schinke-Weckl scho hinner Hamburg uffgesse un mach Sudoku. D'r Sri Lanka Vadder frogd was des isch, ich moin 'Sudoku, isch gud für d'r Kopf'. Er lächeld, machd sei Auge zu, falded d'Händ. So sitzd er ä ganze Weile ruhig do, dann reißder bletzlich d'Auge uff, lachd laud un sagd 'Auch gut für Kopf'. Landschafd fliegd un fliegd vorbei, nur wenn d'r Zug langsamer wird siehd mer Oinzelheide, Zauberwälder mid schiefe Bäum, Pferde, Küh, Schafe un Bauern, wo Gülle aus silberne Tanks uff d'Felder laafe lasse. Mir fahre vorbei an mannheimliche Schrebergärde, erkennbar an vielene Deutschlandfahne.
'Läidis änd Tschäntlmän, wi säi gud bai än sänk ju for tschusing Deutsche Bahn tudäi!' Des sagd die Schdimm kurz vor jedem Hald. Sie bedanke sich immer, dass mir midgfahre sin mid d'r Deutsche Bahn heut. Mannheim muss Muldikuldi sei, denn jetz sin Leut eigschdiege, die eindeudig net von do sin. Wilde Raschda-Locke, Ring ibberaal, bunde Hemde un Hose. Weiß mer ebbs über ä Schdadt an der mer nur vorbeifahrd? Weiß mer ebbs über die Mensche wo drin läbe? Will mer des wisse? Hinner mir kriegd än Mann än Nies-Ofall un niesd direkd hinner meim rechde Ohr. Überhaubd huschde un niese viele Leut. Ob Bahnfahre doch net ganz so xund isch wie immer verkünded wird? Vielleichd bedanke die sich deswege dauernd? Des Mädel aus Sri Lanka machd nach dene Cörri-Nudle ä Gugg Zwiebelringtschibbs uff. Dann ä Gugg Gummibärle. Die deutsch gekleidede Frau schräg links vor mir had Kisch Lorän in d'r Hand un ä Smartfon, des Disbläi isch scho ganz feddverdobeld.
Ich weiß a net so rechd, für alle im Abdeil scheind alles vollkomme normal zu sei, wie wenn se gar net im Zug wäre, sondern dahoim uff d'r Kautsch hogge däde. Ich mach widder mei aldmodisches Babier- Sudoku un ibberleg, ob ich mir net au so ä Smardfon oder wenigschdens ä Täbled zulege soll, wege d'r allgemeine Normalidäds-Obassung. dass oim so ebbs erschd eifalld, wenn mer schdundelang im Zug durchs Land trudeld. Ich versuch wie der Mann aus Sri Lanka nix zu mache. Es misslingd, mei Kopf isch zu voll, von zu Vielem.
In Schleswig-Holschtein ware am Himml Schäfchenwolke zu sehe. Jetzt über Bade-Würddeberg schwebe Cummuluswolke über d'r ganze Zugschdregg. Do missd mer mol dribber noochdenke, ob wirglich jedes Land sei eigene Wolke had. Kurz vor Kallsruh, wo d'r Zug langsamer wird, fladdre tadsächlich Leindiecher un Dischdecke in me Garde im Wind. Die sin also au noch aldmodisch un hänn koin Droggner. In Kallsruh schdeige die drei Kallsruher aus, wär jo komisch, wenn die bis Bade-Bade midfahre däde. Eigendlich sähn se aus wie 'Kurpälzer'. Der Zug wird läärer.
So ä Fahrd durch Deutschland isch wie wenn mer än kloiner Kwerschnidd erläbe däd durch Mensche verschiedener Nazjone, durch Schdädt, die sich in vielem ähnlich sin un doch ihren ganz eigene Karakder hänn. Im Sitzebleibe alles vorbeifliege lasse, scheinbar unbedeiligd sei, an dem was drauße bassierd un doch wisse, dass Alles än kloiner Deil von uns allene isch. Die Raschda-Leut schdeige au aus in Kallsruh, sie winke im Räggä-Rüdmus, ich wink deutsch. D'r Cörri-G'ruch isch faschd verfloge, halb Deutschland machd middlerweile Cörri ans Esse. Ä paar Leut unnerhalde sich über Asülbewerber, Asülande, Ausländer, Flüchdling, die gflüchded sin. Aus Schtadt, Land, Fluss, Berg. Ich bin so froh, dass ich net fliehe muss, sondern freiwillig mache kann was ich will. D'r Schwarzwald tauchd uff, eher graubraun. In Kallsruh sin annere Badner eigschdiege un d'r badische Singsang erfreud mei Herz. Isch verdraud un dud gud. Bal bin i au dahoim, im Badner Land, in meinere Schtadt am Fluss, in d'r Fern die Berge. 'Hier noch Jemand zugestiegen?' 'Nee, mir bleibe unner uns', sagd Jemand un ich schdeig schnell un endlich aus, in mei Freiheid. Die Familjä aus Sri Lanka fahrd weider nach Zürich. Do solls au scheen sei.
Brigitte Wagner, Rastatt